البنوتة التائهه

كان ياما كان يا سعداء يا كرام
ولا يحلى الكلام الا بذكر النبى عليه افضل الصلاة والسلام
كان فيه بنوتة جميلة رقيقه دلوعة مامتها وباباها كانت دايما ضحكتها بتملى دنيتهم سعاده ولعب وشقاوه وكانوا دايما بيجيبولها كل الى نفسها فيه اول ماتطلبها وكانت دايما بتحب الجرى واللعب فكان باباها اول ما ياخد اجازه من الشغل يخدها هى ومامتها ويخرجوا ويتفسحوا ويروحوا الملاهى وكانوا يسيبوها تلعب براحتها وتتنطط

ويرجعوا بالليل بعد لما يخلصوا لعب يرجعوا تعبانين واول لما يوصلوا البيت يفردوا جسمهم ويناموا من شدة التعب وفى يوم من الايام كان باباها فى الشغل واتأخر علشان كان فيه شغل كتير ومعرفش ياخد اجازة ف البنوته صممت انها تخرج وتروح تتفسح فى الملاهى ماما حاولت تقنعها وتقولها استنى يا حبيبتى لما بابا يجيى الفسحه معاه بتبقى احسن خلينا نستنى بابا وبلاش نستعجل على الخروج قعدت تعيط لغاية لما مامتها زهقت وقالت خلاص هنخرج وامرى لله فلما خرجوا طبعا مامتها زعلانه علشان خرجت غصب عنها فلما وصلوا للملاهى البنوته حست انها مش مبسوطه ومرتاحه زى لما باباها بيكون معاها فسرحت شويه وفجأه دورت على مامتها اتهيالها انها مش موجوده فمشيت تدور عليها ومامتها شيفاها مفكراها بتلعب هنا وهنا زى ماهى متعوده منها فجأه البنوته اختفت فضلت ماما معلقه عنيها على اخر مكان هى اختفت منه منتظره انها تظهر خمس دقايق وبدأت تقلق قامت من مكانها وهى عنيها متعلقه على نفس المكان بدأت تتحرك واحده واحده ناحية المكان وبعد كده جريت تدور عليها ملقتلهاش أثر والبنوته بعد لما رجعلها تركيزها لقت نفسها بعدت عن المكان اللى كانوا فيه فبقت مش عارفه تمشى ازاى ولا منين ففضلت واقفه مكانها وحزينة وفضلت تمشى وهى بتعيط وتنادى على ماما لغاية لما صوتها اتنبح وتعبت وقعدت مكانها وهى عنيها فى الارض حاسه ان هى اللى غلطانه وان هى السبب فى ده كله وحست ان هى خلاص كده عمرها ما هتشوف ماما تانى 

وفجأة سمعت صوت مامتها زى الحلم من بعيد فنزلت دمعة من عنيها وكانت لسه هتبدأ فى البكاء فبدأت تحس بالدفء بيزيد واحده واحده وشمت ريحت مامتها وحست بالحضن الدافى اللى بيضمها وهى بتقول بنتى حبيبتى فالبينوته لفت بستغراب علشان تتأكد من ايه اللى بيحصل لفت وجدت مامتها حضنتها جامد وشلال من الدموع انجرف غصب عنها من شدة الفرح ورجعوا البيت ومامتها شيلاها والبنوته قالت لمامتها انا اسفه يا ماما اسفه على اللى انا عملتوا فمامتها حضنتها وقالتلها انا اللى اسفه يا حبيبتى ربنا يخليكى ليا يا حبيبتى انا بحبك قوى قوى..

توتة توتة خلصت الحدوتة حلوه ولا ملتوتة

قصص مشهوره

الافعال لها اثر

يحكى أنه كان هناك شاب عصبى المزاج سريع الغضب بشكل لا يصدق، وكان دائما ما يغضب ويخرج عن صوابة ويجرح الناس بأقوال وأفعالة بشكل دائم، وكان والد هذا الشاب رجل حكيم له خبرة كبيرة بالحياة وقد لاحظ هذة الصف السيئة بإبنة، فقرر أن يعلمة درساً ليصلحة ويقومة فأحضر له كيساً مملوءاً بالمسامير الصغيرة وقال له يا بنى كلما شعرت بالغضب الشديد وفقدت أعصابك وبدأت تفعل أشياء لا تصح عليك أن تقوم بدق مسماراً واحداً فى السياج الخشبى لحديقة المنزل.

وفعلاً نفذ الشاب نصيحة والدة وكان كلما يشعر بالغضب الشديد يبدأ فى دق المسامير ولكن لم يكن إدخال المسامير فى السور الخشبى سهلاً على الإطلاق فهو يحتاج جهداً ووقتاً كثيراً، وفى اليوم الأول قام الولد بدق 37 مسماراً وتعب كثيراً فى دق المسامير، فقرر فى نفسة أن يحاول أن يملك نفسة عند الغضب حتى لا يتكبد عناء دق المسامير، ومع مرور الأيام نجح الولد فى إنقاص عدد المسامير التى يدقها يوماً بعد يوم، حتى تمكن من ضبط نفسة بشكل نهائى وتخلص من تلك الصفة السيئة إلى الأبد، ومر يومين كاملين والولد لا يدق أى مسمار فى السياج، فذهب إلى والدة فرحاً وفعلاً هنأة الوالد على هذا التحول الجيد، ولكنة طلب منه شيئاً جديداً وهو القيام بإخراج جميع المسامير مر أخرى من السياج، تعجب الشاب من طلب والدة ولكنة قام بتنفيذ طلبة فوراً وأخرج جميع المسامير، وعاد مرة أخرى إلى والدة وأخبرة بإنجازة، فأخذة والدة وخرجا إلى الحديقة وأشار الرجل الى السياج قائلا : احسنت صنعاً يا بنى ولكن إنظر الآن إلى كل هذة الثقوب المحفورة فى السياج، هذا السور مستحيل أن يعود يوماً كما كان مهما فعلت، وهذة الثقوب هى الأفعال والأقوال التى تصدر منك عند الغضب، يمكنك أن تعتذر بعدها ألف مرة لعلمك تمحى أثرها، ولكنها دوماً ستترك أثراً فى نفوس الآخرين.

الحلاق الاحمق

فى يوم من الأيام دخل طفل صغير إلى محل حلاقة وبمجرد دخولة قام الحلاق بالإقتراب من الذنوب وهمس فى أذنة وأشار إلى الطفل قائلا : ” هذا أغبى طفل فى العالم وسوف أثبت لك الآن صح كلامى ” ، وقف الحلاق أمام الطفل وقام بوضع درهما فى إحدى يدية بينما وضع فى اليد الأخرى 25 فلساً، وطلب من الولد أن يختار مبلغاً منهما فقام الطفل بأخذ ال25 فلساً ومضى فى طريقة .نظر الحلاق إلى الذبون وفى عينية نظر الإنتصار قائلا : ” أرأيتك ؟ قلت لك أنه أغبى طفل فى العالم فأنا أعرض علية كل يوم الدرهم وهو يختار ال25 فلساً بدلاً منه ، خرج الزبون من محل الحلاقة ودفعة فضولة أن يوقف الطفل ويسألة عن سبب فعلته هذة فإبتسم الطفل مجيباً : ” لأن اليوم الذى آخذ فيه الدرهم سوف تنتهى اللعبة ” .

العبرة من القصة : لا تستهين أبداً بذكاء أى شخص، فلا يستهين بذكاء الآخرين سوى الأحمق .

الملك

يحكى أنه كان هناك ملكاً يعيش فى مملكة عظيمة أراد أن يكافئ أحد المواطنين فأحضرة إلى قصرة وقال له أنه سوف يعطية جميع الأراضى التى سوف يقطعها سيراً على أقدامة ملكاً له إلى الأبد دون دفع أى نقود ، فرح الرجل وبدأ مسرعاً فى السير فى جنون محاولاً قطع أكبر كمية ممكنة من مساحة الأراضى حتى يمتكلها جميعها، حتى بلغ مسافة كبيرة جداً وتوقف مفكراً أن يعود إلى الملك لينال جائزتة، ولكن الطمع تمكن منه فقرر مواصلة السير حتى يحصل على المزيد والمزيد، وهكذا استمر الرجل فى السير غير مكتفياً بما يتوصل إلية مهما بلغ من مساحات شاسعة، سار فى طريقة حتى ضل الطريق وضاع فى الحياة، ضاع دون أن يمتلك أى شئ وذلك لأنه لا يمتلك الشئ الذى به يملك الدنيا وما فيها وهى القناعة، ولذلك خسر كل شئ لأنه لم يعرف الإكتفاء والرضا .

سما واللبن

كان ياما كان يا سعداء يا كرام
ولا يحلى الكلام الا بذكر النبى عليه الصلاة والسلام

كان فيه بنوته صغيرة اسمها سما.سما بنوتة دلوعة وكانت مامتها وباباها بيحبوها قوى قوى وكانوا بيجيبولها كل حاجه نفسها فيها كانوا بيجبولها شيبسى ولبان وبسكويت وكل حاجه نفسها فيها وكانوا لما بيجبولها لبن ماكنتش بترضا تشربوه وكانت تقول لا انا مبحبوش وكانت ماما تقولها لازم يا حبيبتى تشربى اللبن علشان تكبرى وتبقى بصحه كويسه لكن سما ماكنتش بتسمع الكلام ولا بترضا تشرب اللبن ابدا لغاية لما بدأ الضعف يظهر على سما وبقت همدانه ومش قادرة تلعب مع حد وفيه يوم جت سما تعبت قوى وعيت ماما خدتها للدكتور فلما الدكتور كشف عليها قال انها ضعيفه بسبب انها مابتكلش ومبتشربش اللبن ولازم تاخد حقنه علشان تخف بعد كده الدكتور اداها حقنه علشان تقدر تقوم شويه وبعد كده كتبلها علاج كل يوم حقنه لمدة اسبوع ولازم تشرب اللبن كل يوم فجت سما مشيت على العلاج لكن ماكنتش بتشرب اللبن كتير شربت يوم وبعد كده مابقتش بتشربوا المهم مشيت على العلاج لمدة

اسبوع وبعد كده خفت شويه واخدتها مامتها على الدكتور قال انها دلوقتى الحمدلله اتحسنت لكن لازم تحافظ على شرب اللبن وفضلت مامتها تعملها اللبن وسما ترفض وتقول مبحبوش فمامتها قالتلها لا يا حبيبتى لازم تشربى اللبن علشان تخفى خالص شربت مره وبعد كده تعبت مامتها معاها لغاية لما فى يوم تعبت خالص فماما وديتها للدكتور فالدكتور قال لازم تنحجز فى المستشفى وكتبلها على ادويه كتير ومحاليل وحقن وقعدت شهر فى المستشفى وبعد كده خفت وقالت لمامتها انا اسفه بعد كده هاسمع كلامك واشرب اللبن ومعنتش هزعلك تانى وبقت بتشرب اللبن وصحتها بقت كويسه .

وتوته توته خلصت الحدوته حلوه ولا ملتوته

كان ياما كان ياسعداء ياكرام ولا يحلى الكلام الا بذكر النبى عليه الصلاة والسلام ..

كان فيه بنوته جميله اسمها سما مامتها بتحبها قوى كانت كل يوم مامتها بتصحيها وتقولها قومى ياسمسم قومى ياسمسم يلا ياحبيبتى 

يلا ياسمسم علشان تفطرى مع بابا انا جهزت الفطار وكانت سمسم تقوم تجرى وتلعب جنب باباها ومامتها كانت دايما بتجهزلها طبق صغير على قدها بتاكل فيه وكانت بتاكل بسرعه وتقوم تجرى وتلعب وكانت اكتر حاجه بتحبها سمسم هى الرسم والتلوين وكانت بتورى مامتها رسومتها لكن كانت بنتغلب ماما وهى بتغسلها ايدها وكانت ماما بتقولها دايما يا حبيبتى بلاش توسخى ايدك علشان ماتمرضيش لكنها كانت بتعاند ومبتسمعش الكلام لغاية لما فى يوم ماما كانت بتجهز الاكل زى كل يوم وسمسم بعد لما رسمت ولونت ووسخت ايدها كانت جعانه جدا من كتر اللعب فجريت على الاكل اللى ماما كانت حطاه على السفره وفضلت تمسك الاكل بايدها وتاكل وطبعا ايدها مش نضيفه ولما ماما شافتها قالتلها لا يا حبيبتى لازم تغسلى ايدك الاول كده غلط قالتلها انا جعانه يا ماما وهغسل ايدى بعدين قالت لها يا حبيبتى انا خايفه عليكى قومى اغسلى ايدك سمسم طبعا ماسمعتش الكلام وكملت اكلها ولما جت سمسم تنام بالليل حست بالم شديد فى بطنها وقعدت تعيط وتنادى على مامتها وتقول الحقينى يا ماما جريت مامتها عليها وقالتلها ايه يا حبيبتى اللى حصل قالتلها بطنى يا ماما بتوجعنى قالتلها سالمتك يا حبيبتى قامت ماما حطت ايدها على راسها ولقت حرارتها عاليه راحت ماما اخدتها بسرعه عند الدكتور ..

ولما الدكتور كشف عليها قالها انتى اكيد يا سمسم اكلتى حاجه مش نضيفه فسكتت ومامتها قالتلوا هى اكلت من غير ماتغسل ايدها يا دكتور قالها امممم علشان كده ..وقالها لازم يا سمسم نغسل ايدنا قبل الاكل علشان مافيش اى امراض تدخل بطننا انا هديكى حقنه دلوقتى وان شاء الله هتخفى فسمسم قالت لا يا دكتور انا خايفه من الحقنه قالها معلش علشان تخفى لازم تاخدى الحقنه ولما سمسم خفت جريت على ماما وحضنتها وقالتلها انا اسفه يا ماما انى مسمعتش كلامك وغسلت ايدى قبل الاكل ماما باستها وقالتلها شطوره يا حبيبتى انا بحبك قوى قوى يا سمسم .. وتوته توته خلصت الحدوته 

لو عندكم اى ملاحظات على الحدوته شرفونى بتعليقكم ولكم جزيل الشكر باااااى